Zbulohet antibiotiku universal kunder viruseve te gripit,

Zbulohet antibiotiku universal kunder viruseve te gripit  Vijnë ilaçet e para efikase, të dizenjuara racionalist me kompjuter

Burimi: Te Tjera

Vjen një antibiotik, në gjendje për të luftuar të githë viruset e gripit, që përfshijnë njeriun, si A e B, por edhe që mund të luftojë fuqishëm virusin A/H5N1 të zogjve, nëse do të bëhej pandemik për njeriun. Studimi i publikuar në revistën prestigjioze Pnas, është udhëhequr nga një ekip shkencëtarësh italianë të Universitetit të Padovas e Peruxhias, në bashkëpunim me Agnes Foeglein e Paul Digard të Departamentit të Patologjisë e Virologjisë të Universitetit të Kembrixhit. “Risia absolute e këtij studimi – ka shpjeguar profesor Xhorxho Palu, kreu i këtij kërkimi – qëndron në faktin se s’janë përdorur peptide, por molekula të vogla me profilin tipik të një ilaçi. Bëhet fjalë për ilaçët e parë të dizenjuar racionalisht me kompjuter, në bazë të strukturave kristalografike prej dy proteinash të virusit influencial, që përbëjnë kompleksin replikativ të virusit dhe ndërveprojnë ngushtësisht midis tyre. Tani mund të mendohet të modifikohen më tej këto substanca, për t’i bërë edhe më selektive e sidomos farmaciologjikisht të disponueshme”. Ekzistojnë ende pak ilaçe anti-grip, në të cilat pjesa më e madhe e hyrjeve epidemike e kanë tashmë të zhvilluar rezistencën e tyre. Kështu është menjëherë e kuptueshme rëndësia e këtij zbulimi, që nga një anë është në gjendje të përmbajë përhapjen e pandemive dhe nga tjetra ngjall interesin e kompanive të mëdha farmaceutike, për krijimin e ilaçee selektivë dhe efikasë. (La Stampa